一人火鍋以前都興過，可能因為冇乜氣氛，然後又興番一大班人圍住個爐烚烚下。 最近又有一兩間一人火鍋開左，今次試左哩間台式臭臭鍋。一入間舖真係覺得好臭，真係見過有人唔食走番出黎。 佢係以套餐形式，$108一個鍋加個白飯，有差不多有10個鍋選擇。我食過3款鍋，臭臭鍋，藥膳羊肉鍋同麻辣鍋。 當中藥膳鍋個湯幾清甜，藥材味重。另外兩個鍋都好惹味，好啱送飯。餸菜有好多，男士都會夠飽。 食完感覺不似有味精，幾好。 總括而言一人火鍋較多人火鍋低消費，可以隨時食，都幾方便。 8鍋臭臭鍋 地址： 尖沙咀金巴利道77號地舖