【太子小店-龍難推介太子最有風味最好食的車仔麵】

太子一向都係搵食好地方，今次介紹嘅係佢..
近黎日本興速食/立食文化，其實呢間開咗唔知幾耐嘅車仔麵一向都做緊，店仔細細但人就keep 住入唔夠15分鐘食完就走，好野先會人流不絕，好入去試下（其實已經食過好多次😂)
傳統車仔麵形式即係口叫咩麵再揀餸，全部係同師傅講，記得喇冇紙俾你圈㗎！（叫完仲要自己搵位自己拎）入面必食推介係豬紅同牛根，呢度嘅豬紅同出面嘅好唔同，佢嘅做法好似台灣嘅鴨血咁，好滑又咽咽靭靱咁好有口感，牛根方面就爽爽哋嗰一種唔會好淋好膠嗰（個人就係鍾意食爽口）講咁耐點解會推仲比大家呢，就係呢間店個味道好有以前細個嗰隻簡單得嚟又有心機嗰種車仔麵味，我敢講拍得住好多喺香港好多所謂嘅日本拉麵店！

#香港 #真心推介 #太子小店 #真係好小 #立食又得 #速食又得 #要服務唔好去

留言

這個網誌中的熱門文章

【富山小店＠艷次郎 - 招牌魚串燒】

日本富山這間居酒屋在當地食評網有很高分數，座位是約有二十個的小店。夜晚九時多，都還有8成的人客就證明了今次龍難我沒有選擇錯誤。到居酒屋就當然要飲酒吧，bar枱頭上方就貼出多款日本清酒給大家選擇，一合大概700-900yen ，其實不算便宜(不過好多酒都未見過，龍難見識太少了)。食物方面，龍難推介三款給大家！第一個是魚生拼盤，這個拼盤港幣2XX到。裡面很多款，在香港用這個價錢，我想沒有地方可以做到！第二道是生蠔，個個日本食客都會點。一客好像有3-4隻，這個生蠔師傅切開了一半，用酸汁提升佢的鮮味，齒頰留香。第三道就是人人都會點的吞魚串燒，一客有兩大串，師傅是用炭燒方法秘製醬汁去主理，外面有少少脆，內裡鮮嫩。吞拿魚的鮮味好突出加埋炭香味，呢個必點！題外話，個廚師有點像山田孝之，如果識日文不妨和他傾下計，他都幾健談! # 富山 # 居酒屋＃價錢唔算太平但唔貴

閱讀完整內容

日本過江龍拉麵開到黎尖沙咀喇！

呢間以蝦湯著名嘅日本拉麵店喺灣仔開嘅店一直好受歡迎，晏晝十二點到都排哂長龍，而家開到黎九龍大商場，開幕頭幾日又反而唔係好多人排咋。掙扎食佢招牌蝦湯拉麵好定尖沙咀限定撈麵好，最後叫左撈麵。唔知算唔算後悔，因為覺得份量好少（加埋一要一百蚊），同埋好咸呀！流心蛋冇湯浸熱佢覺得怪怪，可取嘅係佢個叉燒（碎）甜甜地同佢嘅紅色脆脆（覺得係好薑炸左），幾得意。公平啲，下次食左湯麵會再講。 # 一幻＃九龍菜難 # 日本過江龍＃拉麵

閱讀完整內容

【日本－絕對不是無添是會添加的壽司】

龍難一向去日本都好少食輪迴壽司的，因為永遠都覺得山長水遠到日本，沒理由不吃好一點！但這間「無添壽司」，想不到竟然有驚喜！這間店好像全部壽司也只是100yen 即大約（$7）一碟，但絕對不馬虎而且選擇都很多！龍難必食推介：紅蝦壽司（一見到隻蝦你就會明白為何是必吃）白飯魚壽司（這個很少地方有得吃，現在100yen 就有）其實海膽龍難也想推介一下，因為100yen有海膽，真心覺得便宜，但因為這裡的海膽有些苦（比起香港某些自稱日本來的海膽，這個已經是高水準），所以如果不覺得有少少苦是問題，這個一定是必吃！這裡還有很多特別和當造的壽司，好像有白子壽司、秋刀魚、貝柱.... 龍難和友人一共吃了35碟也只是3500-4000yen 即大概$280 港幣！你話去邊度搵.... 俾個小貼士大家：食完之後可以將碟放進右手餐的返卻位。每5隻碟上面的電視仔會自動播放卡通片播獎，贏了的話再上面的扭蛋機會跌出扭蛋，這是小禮物送給大家的 😂 缺點：紫菜不夠脆，不過始終係100yen ,你們還想點？くら寿司 # 無添 # 100yen壽司 # 食到似放題 # 九龍菜難

閱讀完整內容

九龍菜難

搜尋此網誌